Патики на американскиот рапер Каније Вест се продадени за рекордни 1,8 милиони долари.
Патиките се купени на специјализирана платформа, соопшти денеска аукциската куќа „Сотби“, која ја организираше аукцијата.
Станува збор за патики од моделот Air Yeezy на „Најк“, кои американскиот рапер ги носеше на Греми наградите во 2008 година.
Досега најскапи патики продадени на аукција беа патиките Nike Air Jordan 1, што ги носеше Мајкл Џордан во 1985 година, а беа продадени за 615.000 долари на аукција во август 2020 година.
