Скопје, 11 мај 2020 (МИА) – Основното јавно обвинителство Тетово против пет лица поднесе предлози за определување казнени налози до Основниот суд Тетово. Сите се обвинети непостапување според здравствените прописи за време на епидемија и за секого од нив е предложена парична казна од по 100 дневни глоби.
Како што информира ЈО, лицата не ја почитувале Одлуката за забрана и посебен режим за движење на територијата на Република Северна Македонија, па за време на полицискиот час биле затекнати како се движат на различни локации без да поседуваат дозвола за тоа. бк/сп/
