„Златните глобуси“ во недела (28 февруари) ја започнуваат сезоната на награди во Холивуд во ерата на пандемијата, по една година која ја испреврте индустријата за забава и ги натера сите селебрити-личности да комуницираат со веб-камери од своите софи дома, наместо да продефилираат по црвениот тепих.
Сепак, шоуто некако се одржува, иако без гламурозни гала вечери, орди фотографи и дизајнерски фустани поврзани со прославата на најдобрите филмови и ТВ-емисии во годината.
Церемонијата во недела, што ќе се пренесува во живо на телевизијата „Ен-би-си“, за првпат ќе се одржи на два брега и со две водителки, комичарката Тина Феј во Њујорк и Ејми Полер во Беверли Хилс, Калифорнија.
Некои од презентерите, вклучувајќи ги Мајкл Даглас и неговата сопруга Кетрин Зета-Џонс, ќе се појават лично, но номинираните ќе присуствуваат од нивните домови или други локации низ целиот свет.
