Фудбалската репрезентација на Македонија, утре во Тбилиси, ќе го одигра најважниот натпревар во својата историја. Победата во дуелот со Грузија ќе ја однесе Македонија на Европското првенство во 2021 година.
Очите на нацијата најмногу се вперени во најискусниот, капитенот Горан Пандев, кој во кариерата има и трофеј со Интер во Лигата на шампионите.
Капитенот најпрвин се огласи на „Инстаграм“.
View this post on Instagram113 natprevari poveke od 19 godini nosenje na ovoj svet dres mnogu porazi pobedi radosti ponizuvanja mnogu ubavi i losi raboti pominav so tebe MAKEDONIJO ….ostana uste 1 cekor do ostvaruvanje na mojot son do ostvaruvanje na sonot na moite kolegi na mojata familija na cela NACIJA…..vo ovie teski vreminja da se obedineme site zaedno i da se obideme sonot da ni stane realnost EDEN za SITE-SITE za EDEN…….DA ZIVEE MAKEDONIJA ????????
„113 натпревари, повеќе од 19 години носење на овој свет дрес, многу порази, победи, радости и понижувања. Многу убави и лоши работи поминав со тебе Македонијо….. Остана уште еден чекор до остварување на мојот сон, до остварување на сонот на моите колеги, на моето семејство, на цела нација.
Во овие тешки времиња, да се обединиме сите заедно и да се обидеме сонот да ни стане реалност. Еден за сите – сите за еден…Да живее Македонија“, напишал играчот на Џенова.
Покрај оваа порака на Пандев, Фудбалската федерација на Македонија на објави на „Фејсбук“, кусо интервју со Пандев, во кое тој уште еднаш потенцира колку натпреварот во Тбилиси е важен за него и за целата држава.
„20 години сум во репрезентацијата, ова е најважниот натпревар во мојата кариера, најважниот натпревар за цела Македонија. Се надевам дека и ние конечно ќе се израдуваме, дека ќе се оствари мојот сон. Со нетрпение го очекувам натпреварот“, вели Пандев.
> Пандев: Грузија? Најважниот натпревар во мојата кариера <
