Скопје, 25 јуни 2020 (МИА) – Сите шпекулации и лажни обвинувања кон мене во случајот „Пациент“ завршија, пишува на својот Фејсбук профил вицепремиерот за европски прашања, Бујар Османи, додавајќи дека вистината конечно стигнала до правдата.
– Онака како што постојано тврдев, по разгледување на сите приложени докази, Јавното обвинителство ја заклучи истражната постапка и оцени дека нема ништо незаконско во моето работење. Сакам да им се заблагодарам на моите најблиски, на мојата фамилија, на моите пријатели за довербата која ја имаа низ целиот овој период. Благодарност и за моите колеги, моите соработници за внимателноста и трпението со кое ми оставија и простор и време за да ја докажам мојата правда и мојата правичност, пишува Османи. оџ/аа/
