Утрински Весник
Македонија

Општина Центар ги дезинфицира станбените згради и јавните површини

Општина Центар ги дезинфицира станбените згради и јавните површини

Скопје, 27 март 2020 (МИА) – Екипи на Општина Центар и денеска ги дезинфицираат зградите во делови на Општината.

Како што соопштија од Општината, со средство за дезинфекција темелно се дезинфицираат влезовите, ходниците, заедничките простории и лифтовите, сѐ со цел намалување на опасноста од ширење на зарази, вируси и бактерии, вклучително и вирусот Ковид-19.

Со течен концентрат за дезинфекција и процес на чистење со активен кислород, кој има високо гермицидно дејство, општинските служби ги дезинфицираат и јавните површини околу зградите во Општина Центар.

Концентратот е еколошки, биоразградлив, воопшто не ја загадува околината и делува против сите видови грам-позитивни и грам-негативни бактерии, спори на бактерии, вируси и габички.

Денеска се распрскувшње на јавните површини во населбата Дебар Маало, а со оваа активност ќе се продолжи и во другите делови на Општината. вг/са/

Извор: mia.mk

Можете да прочитате

За првпат државата го проби рокот за исплата од „МојДДВ“, дел од скенирачите на сметки останаа без пари

Сообраќајно недоразбирање завршило со убодна рана во Тетово

Поради обилни врнежи од дожд повторно надојде Калковска Река, сообраќајот е пренасочен