Македонска Каменица, 1 април 2020 (МИА) – Со цел да се спречи ширењето на коронавирусот, Општина Македонска Каменица денеска ја почна акцијата за бесплатно донирање на заштитни маски за секое домаќинство. Во акцијата, како што информираа надлежните, ќе бидат поделени вкупно 7.000 маски.
-Во распределбата вклучени се неколку мобилни тимови од вработени во Општина Македонска Каменица. Маски обезбедени од Општина Македонска Каменица во соработка со Рудник „Саса“ денеска ќе добијат граѓаните од колективните станбени живеалишта. Во текот на утрешниот ден акцијата ќе продолжи со делење на заштитни медицински маски за домаќинствата во индивидуалните живеалишта, информираа надлежните.
Акцијата како што додаваат, ќе продолжи во селските средини.
-Во изминатите денови заштитни маски од Општина Македонска Каменица добија сите јавни локални институции, вклучувајќи ги и подрачните канцеларии на Министерствата, додадоа од Општина Македонска Каменица.
Оттаму апелираат до граѓаните да ги користат маските согласно препораките на епидемолошките служби и да ги почитуваат мерките на Владата за заштита и превенција.вс/бт/
