Скопје, 10 јуни 2020 (МИА) – Општина Кисела Вода на сите ученици и на нивните наставници им честита за успешно завршената училишна година. Посочуваат дека од прекинот на наставата во нашата држава, училиштата во нивна надлежност, преку онлајн далечинско учење реализираа богата наставна програма.
-Учениците со помош на наставниците и своите најблиски, во домашни услови имаа онлајн часови по сите наставни предмети. Училиштата реализираа активности за идната професионална ориентација на учениците од деветто одделение, а покрај ова, децата имаа и воннаставни активности. Учениците сликаа цртежи и по повод одбележувањата на повеќето домашни и меѓународни денови, се вели во соопштението.
Од Општина Кисела Вода изразуваат благодарност и до родителите кои се вклучија во воспитно- образовниот процес. мд/ац/
