Гевгелија, 24 април 2020 (МИА) – Oпштина Гевгелија денеска соопшти дека локалната администрација и сите надлежни служби само уште денеска работеа со скратено работно време од 9 до 14 часот, а веќе од понеделник, 27 април, ќе работат како и порано од 8 до 16 часот.
Во соопштението се вели дека од понеделник граѓаните своите барања и молби ќе можат да ги поднесуваат на пријавниците секој работен ден во времето од 10 до 14 часот.
Останува опцијата сите потребни информации и услуги граѓаните и понатаму да ги добиваат по електронски пат на истакнатите мејл адреси на надлежните служби како и на дежурните телефонски броеви во Гевгелија и месните канцеларии во Миравци, Негорци, Богородица и Прдејци.им/бт/
