Веб страницата СтопДезинформации.мк објави тест за проверка на „инфицираноста од медиумска неписменост“.
Целта на квизот е секој што ќе го направи да дознае дали умее да препознае информација на која може да ѝ се верува и зошто, дали е скриена реклама или пак е коментар, односно став на новинарот.
СтопДезинформации.мк е дел од проектот „Писменост за вести и дигитална писменост – Справување со лажните вести“, кој го спроведуваат Македонскиот институт за медиуми во партнерство со Институтот за комуникациски студии, Самостојниот синдикат на новинари и медиумски работници и Институтот за различности во медиумите од Лондон.
