Првата дама на Украина Олена Зеленска се огласи откако таа и нејзиниот сопруг Володимир Зеленски позираа за Вог, предизвикувајќи критики од многумина на социјалните мрежи.
„Ја користам секоја прилика да зборувам за Украина. Ова беше голема можност. Милиони го читаат Vogue и моја должност беше да разговарам директно со нив. Патем, не сум навикнатa на внимание. Сите се бориме и тоа е наша работа И јас морам да ја работам таа работа“, изјави Олена во интервју за Би-Би-Си.
Таа додаде дека Украинците се стремат да живеат нормално во делови од земјата кои се ослободени од руски војници.
„Дури и војниците им кажуваат на своите пријатели да одат на кафе, да гледаат филм, да уживаат во мирот што го имаат. Ние сме први овде што ви го даваме тој мир. Киев е мирен град, мора да продолжиме да работиме дури и под ракетни напади, нема живот без развој, мора да продолжиме“, додаде таа.
За потсетување, Олена Зеленска се најде на насловната страница на најновото издание на Вог, а таа и нејзиниот сопруг Володимир Зеленски позираа неколку фотографии во магазинот. Во интервјуто тие зборуваа за себе, за својот брак и за војната во Украина.
Секогаш сакав да бидам зад сцената, тоа ми одговараше. Тешко ми беше доаѓањето на светлата на сцената“, рече Зеленска.
Фотографиите предизвикаа многу коментари, пренесе Индекс.хр.