Утрински Весник
Свет

Од денес повторно отворени училиштата и продавниците во Австрија

Од денес повторно отворени училиштата и продавниците во Австрија
Dik 300x250 mk

Училиштата, продавниците, фризерските салони и музеите повторно се отворени во Австрија по третото национално затворање, но сепак постои загриженост за високите стапки на зараза и ширењето на новите модифицирани видови на коронавирус.

Ублажувањето на мерките што стапува на сила денес е далеку од целосно. Луѓето кои одат на фризер ќе мора да покажат негативен резултат од тестот за коронавирус, не постар од 48 часа, а купувачите ќе мора да носат вистински заштитни маски во продавниците, а не обични памучни.

Рестораните и хотелите остануваат затворени, како што најавија властите, до крајот на месецот.

Затворањето е на сила во Австрија од 26 декември. Иако владата наведе дека Австрија мора да стигне што е можно поблиску до нивото на зараза од 50 нови случаи на 100.000 жители за седум дена, тој број во моментов е 108 заразени.

Извор: makfax.mk

Можете да прочитате

Шведска може на Украина да и продаде помеѓу 100 и 150 борбени авиони „Грипен“

Воена вежба на руските стратешки нуклеарни сили

Зеленски ја поддржа идејата на Трамп да разговара со Москва врз основа на моменталната линија на фронтот