Скопје, 28 март 2020 (МИА) – Претежно облачно време ќе преовладува денеска во земјава. Ќе има повремени врнежи од дожд, а на планините врнежи од снег. Пообилни врнежи се очекуваат во јужните делови од земјава.
Ќе дува и слаб до умерен ветер од северозападен правец. Максималната температура ќе се движи во интервал од 8 до 13 степени.
Во Скопје слично време со повремен дожд и максимална температура до 11 степени.
Во изминатите 24 часа најмногу дожд има наврнато во Маврово – 17 литри на метар квадратен, а таму утринава и минималната температура се симнала еден степен под нулата. Во останатите градови низ државата минималните температури се над нулата. бак/бк/
