Во текот на ноќта времето беше облачно со врнежи од дожд, а на планините и на повисоките места на северозапад врнежите преминаа во снег. Дуваше слаб до умерен, вдолж Повардарието на места засилен северен ветер. Утрово во најголем дел од земјава е облачно со дожд, освен на крајниот југоисток, каде е умерено облачно информираат од УХМР.
Висината на снежната покривка во Пожаране во 8 часот изнесувала 10 см.
Денеска ќе биде облачно и студено со врнежи од дожд, кои на планините и на некои повисоки места во северните делови ќе бидат од снег.
Најобилни врнежи се очекуваат во западните делови (локално над 20 л/м2).
Ќе дува засилен северен ветер, особено вдолж Повардарието, а дневната температура значително ќе се намали и ќе биде во интервал само од 5 до 13 степени.
Во Скопје ќе биде облачно со повремени врнежи од дожд и со умерен до засилен северен ветер.
Максималната температура ќе достигне околу 6 степени.
