Норвешка се откажа од организацијата на квалификацискиот турнир за пласман на ракометниот турнир, на Олимписките игри во Токио. Меѓународната ракометна федерација (ИХФ) нема многу време да најде нов организатор.
Норвешка, во Трондхајм, од 12. до 14.март требаше да ги пречека Бразил, Чиле и Јужна Кореја, меѓутоа поради строгите епидемиолошки мерки, за заштита од коронавирусот, националниот Сојуз се откажа од организацијата на турнирот.
Во истиот термин ќе се играат уште два турнири, во Германија и Франција.
Во Берлин за пласман на ОИ ќе се борат Германија, Словенија, Шведска и Алжир, додека покрај Франција, на турнирот во Монпеље ќе настапат Хрватска, Португалија и Тунис.
> Норвешка се откажа од организацијата на турнирот за пласман на ОИ во Токио <
