Првиот меч под водство на преодниот тренер Серхи Бархуан не помина најдобро за Барселона, откако на „Ноу Камп“ беа заддржани за 1:1 реми со Депортиво Алавес. Отказот на Роналд Куман можеби ги израдува навивачите на каталонскиот гигант, но мечот против Алавес покажа дека старите проблеми остануваат.
Во првото полувреме, Барселона упати само 3 удари на голот на противникот, а Алавес само еден, а најдраматичниот момент беше тој на Серхио Агуеро, кој во 40. минута мораше да стави предвремен крај на своето деби пред навивачите на „Ноу Камп“, откако по еден дуел се пожали на проблеми со дишењето. На негово место шанса доби Филипе Кутињо.
Мемфис Депај, кој подолго време е еден од ретките играчи на Барселона кој импресионираат во 49. минута ги донесе домаќините во водство, но славјето траеше само 3 минути откако Луис Риоха ја искористи лошата одбрана на Барса за да израмни на 1:1.
Ремито ја остава Барселона на 9. место со 16 поени, осум зад тројните лидери Реал Мадрид, Севилја и Реал Сосиедад. Алавес се 16. со 10 освоени поени.
(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-36-37223”));
> Нов (преоден) тренер, старата Барса – само реми со упорните Алавес <
