Само една недела откако не им успеа предлогот за „кратење“ на Премиер лигата на 18 тимови преку проектот „Биг пикчр“, англиските гиганти Ливерпул и Манчестер јунајтед имаат нов план – Европска Премиер лига вредна 6 милијарди долари, открива британскиот „Скај њуз“.
Со англискиот проект тие сакаа да имаат повеќе влијание и моќ во англискиот фудбал, додека со новиот проект, 18 клубови од Англија, Франција, Германија, Италија и Шпанија би формирале супер-силна лига веќе во 2022 година, проект кој е директна конкуренција на Лигата на шампионите на УЕФА, иако според „Скај“, дури и ФИФА е вклучена во проектот.
Гигантот од Вол Стрит „ЏП Морган“ ќе обезбеди 6 милијарди долари финансирање за старт на проектот, по што ќе ги собира парите од ТВ-договорите. Натпреварувањето со 18 клубови (од кои 5 од Англија) би оддржувало мечеви во текот на нормалната европска клупска сезона, по што би постоел и нокаут финиш за шампион, кој би заработувал стотина милиони долари.
Претседателот на Реал Мадрид, Флорентино Перез, кој долго време е поддржувач на формат на Супер лига на европската елита, е уште еден клучен човек во проектот, со низа шпански инвеститори, а двигатели на проектот се американските газди на Ливерпул (Џон Хенри) и Манчестер јунајтед (семејството Глејзер).
Selon Sky News, Manchester United et Liverpool négocient avec les meilleurs clubs européens pour intégrer l’European Premier League, le projet de la FIFA pour remplacer la Ligue des champions https://t.co/Nav77qkjuc pic.twitter.com/C6tLDyqy2d
— L’ÉQUIPE (@lequipe) October 20, 2020
Ливерпул и Манчестер јунајтед бараат „кратење“ на Премиер лигата на 18 клуба
> Нов план на Ливерпул и Јунајтед: Европска Премиер лига за најголемите и најбогатите <
