Шестгодишно дете синоќа во Индијана ја застрелало својата 5-годишна сестра, а родителите се уапсени, соопшти полицијата.
Екипите за итни случаи го пронашле девојчето со прострелна рана во главата во семејната куќа во Манси, 100 километри североисточно од Индијанаполис, пренесува АП.
Таа била префрлена во Ургентниот центар на Меморијалната болница, каде била констатирана смрт, објави локалниот весник „Стар прес“.
Таткото на момчето и девојчето, им кажал на истражителите дека неговиот шестгодишен син зел еден од двата наполнети пиштоли од сефот и ја застрелал својата сестра, соопшти полицијата.
Грејсон (28) и неговата 27-годишна сопруга Кимберли Грејсон беа обвинети за занемарување на дете, што резултирало со смрт и три други поврзани кривични дела, рече заменик-шефот Мелиса Крисвел.
Момчето и кажало на полицијата дека го нашло клучот од сефот во спалната соба на неговите родители и го извадил пиштолот додека неговата мајка спиела.