Светската програма за храна ја доби Нобеловата награда за мир за нејзините напори да се бори против гладот и несигурноста во снабдувањето со храна ширум светот (ООН), рече претседателот на норвешкиот Нобелов комитет, Берит Рајс-Андерсен, а пренесе АП.
Оваа година како можни фаворити за наградата беа издвоени шведската активистка за климатски промени Грета Тунберг, рускиот дисидент Алексеј Навални и Светската здравствена организација поради напорите за борба против пандемијата на коронавирусот.
Наградата од 10 милиони норвешки круни или близу 935.000 евра и златен медал ќе се додели на церемонијата во Осло на 10 декември. Годинешната церемонија ќе се одржи во намален обем поради пандемијата на коронавирусот.
