Веќе 13. ден трае војната на Кавказ. Вчера беше гранатирана црквата Свети Спас во градот Шуши во Нагорно-Карабах, а борбите не престануваат ни денеска.
Рускиот претседател Владимир Путин разговараше со членови на Советот за безбедност за судирите во Нагорно-Карабах.
Азербејџан и Ерменија го потврдија своето учество во консултациите во Москва, соопшти Министерството за надворешни работи на Русија.
„Баку и Јеревен го потврдија своето учество во консултациите во Москва. Во тек се активни подготовки”, изјави портпаролот на Министерството за надворешни работи на Русија, Марија Захарова.
Ерменската амбасада во Москва објави дека шефот на дипломатијата на нивната земја, Зограб Мнакаканијан, ќе пристигне во Русија во текот на денот.
Вчера Кремељ објави дека претседателот на Русија, Владимир Путин, ги поканил шефовите на дипломатиите на Азербејџан и Ерменија во Москва.
Asadov Samir 1982, from #Fizuli regional base of @ANAMA_gov_az was seriously wounded & hospitalized today as a result of attack by #Armenia/n armed forces.
❗️Not only civilians, but also members of Humanitarian Demining Agency ensuring the safety of civilians are being targeted. https://t.co/kfMw6K0q1x pic.twitter.com/R9xYmYh1ns
— MFA Azerbaijan ?? (@AzerbaijanMFA) October 9, 2020
Министерството за одбрана на Ерменија ги отфрли наводите на Азербејџан за повлекување на војската во Мингехур и Абџибад како обични гласини.
Бројот на ранети азербејџански цивили во судирите со Ерменија околу Нагорно-Карабах достигна 164, додека 31 човек го загубил животот, соопшти канцеларијата на генералниот обвинител на Азербејџан.
