Водачот на Северна Кореја, Ким Џонг-ун, ја посети новата фарма за пилиња која се гради јужно од Пјонгјанг и се заложи за унапредување, како што оцени, на таа застарена стопанска гранка.
Севернокорејската официјална агенција КЦНА не прецизираше кога Ким го посетил погонот во Хванџу, пренесува „Ројтерс“.
Kim Jong Un inspects new chicken farm construction, calls older ones ‘backwards’ https://t.co/VheK88UDuZ pic.twitter.com/SQrH9HVyoB
— Chad O’Carroll (@chadocl) July 23, 2020
Ким изјави дека погонот, кој ќе произведува илјадници тони вкусно и квалитетно месо и десетици милиони вкусни и квалитетни јајца секоја година, ќе даде значаен придонес во диеталниот живот на граѓаните.
Овој објект, рече тој, ќе биде модел за модернизирање на фарми за пилиња низ целата земја кои беа изградени пред повеќе од 20 години.
