Најмалку шест затвореници загинаа, а 35 се повредени во немирите во затворот во Шри Ланка, објавија властите на таа островска земја.
Стражарите отвориле оган кон затворениците кога започнал немирот, а двајца од нив се здобиле со сериозни повреди.
Стотици полицајци се дополнително распоредени утрово околу затворот, кој се наоѓа на околу 15 километри северно од Коломбо.
Во затворите во Шри Ланка има околу 26 000 затвореници кои ја издржуваат казната, а капацитетот на институциите е 10 000. Повеќе од илјада затвореници во пет затвори биле позитивни на коорнавирусот, а најмалку двајца починале. Досега се позитивни околу 50 затворски чувари.
