Утрински Весник
Економија

НБРМ: Солидна кредитна поддршка на приватниот сектор во првото полугодие, особено на корпоративниот сектор

Солидниот раст на кредитирањето на приватниот сектор на економијата од страна на банките продолжи и во јуни, со месечна стапка од 1 и годишен раст од 10 отсто, што е над очекувањата со последните проекции на Народната банка.

dobivaj vesti na viber

Растот на кредитирањето на корпоративниот сектор продолжи да забрзува и достигна 12,4 проценти на годишна основа, со што се обезбедува значајна финансиска поддршка на реалниот сектор. Натамошен солиден раст од 7,7 проценти бележат и кредитите одобрени на домаќинствата.

Во овој период беа задржани поволните каматни стапки на кредитите. Со податоците за мај, просечната камата за кредитирање на корпоративниот сектор изнесува 3,43 отсто, додека за домаќинствата 5,06 отсто.

Раст бележи и депозитниот потенцијал на банките. Вкупните депозити на приватниот сектор во јуни се повисоки за 0,4 во споредба со мај, а нивното ниво е за 1,8 проценти зголемено на годишна основа. Притоа, растот на депозитите на домаќинствата забрза и достигна 1 на месечна основа, односно 5,2 отсто на годишна основа.

Статистичкото соопштение е достапно на следниот линк:

https://www.nbrm.mk/content/statistika/Soopstenija/%D0%9CD/2022/Soopstenie_za_pecat_monetarni_dvizenja_2022_juni_mk.pdf

Можете да прочитате

„Кој купува стан во Скопје?! Без вода, без воздух, со бетониран пекол на секој агол!“

Продолжува амандманската расправа за ребалансот на Буџетот

СДСМ: Инфлацијата од 4,5% руши рекорди – граѓаните ја плаќаат цената за неспособноста на ВМРО-ДПМНЕ