Орландо, 11 јуни 2020 (МИА) – Националната кошаркарска асоцијација на САД и Канада (НБА) може да се врати ден порано од предвиденото – на 30 јули.
Ова го најави Адријан Војнаровски од „ЕСПН“, а неговиот колега од „АП“, Тим Рејнолдс додаде дека Лигата работи според распоредот на секој тим и сè уште има работи, што треба да се потенцираат.
Како што стана познато пред една недела, на состанокот меѓу комесарот Адам Силвер и Управниот одбор, беше решено да се продолжи сезоната во НБА лигата на 31 јули во забавниот комплекс „Дизни“ во Орландо.
