Бидејќи рестораните сè уште се затворени низ Велика Британија, Гордон Рамзи има добра причина да биде во едно од неговите добро-познати лоши расположенија.
Но, додека локдаунот продолжува да има разорно влијание врз угостителскиот сектор, славниот готвач и ТВ-личност успеа да пронајде начин да продолжи со својата работа .
“Не сум ги пропуштил критичарите за храна! Но, никогаш не се сомневајте, тие [хејтери] ќе се вратат”, се смее тој, користејќи посилен збор од тоа.
Како и повеќето сопственици на ресторани, и Рамзи имаше тешка година. Неговата групација „Гордон Ремзи ресторани“ работи со 35 ресторани ширум светот. Повеќето од нив остануваат затворени, вклучувајќи 18 во Велика Британија.
Направени се напори за помош на рестораните уште од стартот на пандемијата, со шеми како Eat Out To Help Out и привремена забрана за сопствениците на локали да ги иселуваат деловните субјекти кои заостануваат со плаќање кирија. Но, многумина сè уште очајно се борат.
„Владата е супер-поддржувачка и неверојатно загрижена, од аспект на изнајмувачите, се чини дека можеме да земеме здив, што е добро“, признава Рамзи.
„Но, помислете на притисокот “, продолжува тој.„ Моравме да откажеме 22.472 резервации во текот на декември, и тоа е месец на славење што нè води кон првиот слаб дел од годината, јануари и февруари, кога сите се на диета и стануваат вегани“.
