Шпанската тенисерка Марина Басолс е сопственичка на најголемиот пресврт во историјата на тенисот. Басолс (263. на ВТА листата), на ВТА 250 турнирот во Будимпешта, со златни букви се запиша во историјата на тенисот.
Таа го направи најголемиот пресврт во историјата на тенисот елиминирајќи ја 211. тенисерка во светот, Белорусинката Јулија Хатука со 2-1 во сетови.
Првиот сет Хатука го доби со убедливи 6:0, а во вториот имаше предност од 5:0 и 30:0. Се личеше на класична „метла“, но од тој момент Басолс го започна историскиот пресврт.
Шпанката доби седум гема по ред, израмни на 1:1, а потоа и стигна до победата, откако го доби третиот сет со 6:4.
Ова е нејзина 11. победа по ред во 2022 година.