Најбогатиот Украинец – Ринат Ахметов рече дека медиумското царство во целост ќе и го отстапи на државата во врска со заканот за сузбивање на „преголемото влијание на олигарсите“.
„Оваа недела Украинската медиумска група ќе и ги отстапи на државата сите концесии на нашите телевизиски мрежи и печатени медиуми. Ја прекинуваме и работата на нашите интернет медиуми“ се наведува во соопштението на страницата на неговиот холдинг „СЦМ“.
55-годишникот вели дека таквата одлука доаѓа откако стапија на сила законите за „сузбивање на опасности за национална сигурност поврзана со преголемото влијание на олигарсите“ кој е донесен минатата година.
Украинската медиумска група ја сочинуваат десет телевизиски мрежи, пред се информативни, видео платформа и информативна мрежна станица.
Михајло Подољак, советникот на украинскиот претседател Зеленски ја поздрави на Твитер ваквата одлука.
Оваа одлука доаѓа откако ЕУ на Украина и одобри статус на земја кандидат за членка на Унијата.
Инаку богатството на Ринат Ахметов Форбс го проценува на 4,2 милијарди долари.
