Двајца мажи ја пресретнале Геј Сканлон додека таа се враќала од работа и се приближувала кон својот автомобил. Со возило со темна боја дошле до неа, и впериле пиштол и и побарале клучеви и други работи.
Разбојниците, меѓу другото и го одзеле деловниот телефон и личната карта. Демократката Мери Геј Сканлон не беше повредена за време на инцидентот. ФБИ се вклучи во потрагата по напаѓачите, пишува Би-Би-Си.
Како и многу градови во САД, во Филаделфија има зголемување на насилниот криминал во изминатата година. Градоначалникот Џим Кени рече дека грабежот, кој се случил во средата во 14:45 часот по локално време, бил „ужасен“.
Си-Би-Ес Њуз објави дека во Филаделфија во 2021 година, во споредба со претходната година, има зголемување на кражбите на автомобили за 80% и вооружените грабежи од 27%.
Конгресменката беше ограбена само 24 часа откако напаѓачите во предградие на Чикаго го украдоа возилото на сенаторката Кимберли Лајтфорд. Нејзе и се заканувале и со оружје.
