Вкупниот број заразени со коронавирус во светот надмина 17 милиони.
Според порталот за статистика „Ворлдометерс“, 666.173 луѓе починале како резултат на инфекција со коронавирус.
Повеќе од десет милиони луѓе оздравеле, а во моментот има нешто повеќе од 5,8 милиони активни случаи.
Најголем број заболени имаат САД – 4,5 милиони, а потоа следуваат Бразил со речиси 2,5 милиона случаи на инфекција и Индија со 1,5.
Следуваат земји каде што бројот на регистрирани случаи е помал од милион: Русија, Јужна Африка, Мексико, Перу…
Најголем број заразени починале во САД (152.902), потоа во Бразил (88.792), Велика Британија (45.961), Мексико (44.876) и Италија (35.129).
