Португалскиот тренер Жозе Мурињо направи уникатна тетоважа на своето рамо.
На својата официјална страница на Инстаграм тој ја покажа сликата и објасни зошто избрал цртеж со три различни европски трофеи.
Има истетовирано слики од трофеите од Лигата на шампионите, Лигата на Европа и Конференциската лига, а на секоја од нив се боите на тимовите со кои беше успешен:
Порто, Интер, Манчестер Јунајтед и Рома.
„Радоста на Римјаните ме натера да го направам ова. Размислував за посебна тетоважа, која ќе им даде признание на сите клубови со кои ги освоив европските натпреварувања. Во исто време сакав уникатна тетоважа, онаа која само јас може да има“, рече Мурињо и продолжи:
„Еден пријател ми даде неколку предлози, а јас променив неколку детали и дојдовме до конечната одлука“.
Португалецот стана првиот тренер во историјата кој ги освоил Лигата на шампионите, Купот на УЕФА, Лига Европа и Конференциската лига.
View this post on Instagram