Жозе Мурињо неколку седмици ќе биде без клучниот играч во одбраната, Тоби Алдервирелд.
Белгиецот се повреди во саботата, на дербито со Манчестер сити. Тотенхем славеше со 2:0 и се искачи на лидерската позиција во Премиер лигата. Менаџерот на тимот, Жозе Мурињо, информираше дека Алдервирелд ги повредил препоните.
„Тоби е повреден, но за среќа повредата не е толку тешка како што стравуваме. Секако дека ова е лоша вест за нас, бидејќи играше во извонредна форма. Среќа за нас е што го имаме, како негова замена, Дејвисон Санчез“, рекол Мурињо.
Според прогнозите, Алдервирелд ќе отсуствува две до четири недели.
> Мурињо остана без клучниот играч во одбраната <
