Утрински Весник
Македонија

Мојсоски: Можно е партиските обележја да се внесени преку пакети за храна

Скопје, 22 јуни 2020 (МИА) – Два телефони се одземени. Можно е партиските обележја да се внесени преку пакети со храна или пак ги има од претходно, истакна директорот на затворот „Идризово“ Боби Мојсоски во „Утрински брифинг“ на „Слободна ТВ“, говорејќи за видеото и фотографиите кои се проширија деновиве каде што затвореници повикуваат да се гласа за политичка партија.

-Го осудувам чинот на партиски активности, доколку ги имало во затворот. За оние кои би требало да се грижат тоа да не се случува, доколку се докаже ќе бидат санкционирани, рече Мојсоски.
Тој објасни како е можно да се внесени партиските обележја.
Мојсоски вели дека затворениците предизвикале мал пожар за да им го пренасочат вниманието на чуварите и да можат да снимат и да објават видео од таканаречен импровизиран партиски штаб.
– Ве уверувам дека не се работи за ран почеток на политичка кампања. Самите затвореници имаат право на глас. Се работи за петтото крило, во кое има најголем број на затвореници, истакна директорот на затворот. ац/са/
фото МИА архива

Извор: mia.mk

Можете да прочитате

Коцевски: Се водат повеќе предистраги и истраги за дивоградби, не се сомневам во работата на обвинителите

АСОМ: Итно стопирање на законот за игри на среќа – 10.000 луѓе остануваат без работа

Тошковски и Саити потпишаа меморандум за соработка: Во фокусот превенцијата и одговорот при кризни и вонредни состојби