Русија не ги знае деталите од средбата меѓу претставниците на Русија и НАТО за Украина, која ја најави американскиот претседател Џо Бајден, изјави денеска рускиот заменик министер за надворешни работи Сергеј Рјабков.
„Не знам ништо за таква средба. Ги видов коментарите на американскиот претседател за ова прашање. Обврзувачките безбедносни гаранции се предмет на понатамошна дискусија“, изјави Рјабков, а пренесува руската агенција ТАС С.
„Се уште ништо не е решено, а американските најави, кои се даваат еднострано, не ни создаваат нова реалност, туку се само потсетување дека овие прашања ќе треба внимателно да се решат“, изјави рускиот заменик министер за надворешни работи Сергеј Рјабков.
