Соработката на ВМРО-ДПМНЕ со Алијанса за Албанците и Алтернатива ќе ги победи криминалот и корупцијата на коалицијата СДСМ-ДУИ, изјави претседателот на ВМРО-ДПМНЕ, Христијан Мицкоски, денеска од Велес.
Одговарајќи на новинарско прашање за договорената опозициска соработка со Алијанса за Албанците и Алтернатива истакна дека тоа е коалицијата која ќе ги неспособноста и криминалот, односно коалицијата на СДСМ и ДУИ.
Тој вели дека од оваа соработка се очекува да бидат поразени политиките на корупција, безидејност, но и безнадежноста и апатијата до кои, како што рече, доведе актуелната власт, која, според него, нема никаква стратегија и визија.
„Очекувам конечно оваа коалиција да победи ја победи неспособноста, криминалот, корупцијата, безидејноста, безнадежноста, апатијата, немањето никаква стратегија, немањето визија за развојот на Македонија, односно да ја победи коалицијата СДСМ и ДУИ“, рече Мицкоски.
