Повеќе од 80 лица се евакуирани, а едно е хоспитализирано, откако испари хлор во спортски објект во Минск, информираат тамошните медиуми.
Според соопштението на Министерството за вонредни состојби на Белорусија, инцидентот се случил кога случајно бил ставен коагулант во резервоарот за хлор, што предизвикало хемиска реакција и испарување на хлор.
Министерството наведува дека се евакуирани 82 лица, од кои 70 посетители и 12 вработени, а едно лице е хоспитализирано поради труење со хлор, пренесуваат агенциите.
Концентрацијата на хлор во зградата за време на инцидентот била 35 пати поголема од дозволеното.
