Утрински Весник
Македонија

Министерката Петровска се сретна со британските парламентарци Алекс Собел и Стивен Даути

Денеска во министерството за одбрана министерката Славјанка Петровска се сретна со претставници на Лабуристичката партија во британскиот парламент, Алекс Собел и Стивен Даути, со кои разговараше за силната одбранбена соработка помеѓу Северна Македонија и Обединетото Кралство, видлива преку реализирани заеднички обуки и вежби со кои ја градиме интероперабилноста со партнерите и сојузниците на НАТО.

dobivaj vesti na viber

На средбата се разговараше за неодамна одржаната вежба Swift Response 22, најголема одржана вежба на територијата на Северна Македонија, која е пример за планирање, тренинг и заедничко координирање и дејствување на НАТО сојузниците и покажа дека нашите војници се подготвени да бидат домаќини и да демонстрираат подготвеност и интероперабилност.

Петровска порача дека Северна Македонија е кредибилен партнер посветен на западните вредности, и дека со членството на нашата држава во НАТО, Балканот е постабилен и побезбеден, министерката додаде дека брза интеграција во ЕУ дополнително ќе ја зајакне нашата стабилност и безбедност.

Можете да прочитате

Пенка Мукаетова именувана за нов потпретседател на Сојузот на стопански комори на Македонија

ЦУК преку СМС порака известува за кризната состојба прогласена за пожарите

Околу половина час се чека за влез во земјава на Табановце