Хари Мегваер со кауција е пуштен да се брани од слобода откако две ноќи мина во притвор во полициската станица на грчкиот остров Миконос. Капитенот на фудбалерите на Манчестер Јунајтед и уште двајца негови пријатели беа уапсени поради учество во тепачка. Денес тие дале исказ пред судијата соседниот остров Сирос.
Мегваер и неговите двајца пријатели потоа биле пуштени да се бранат од слобода, а судењето е закажано за три дена. Тие се обвинети за нанесување на телесни повреди, навреда на службено лице и обид за поткуп на полицајците.
Според англиските медиуми тие ќе бидат гонети прекршочно, а не кривично и веројатно нема да завршат в затвор, туку ќе минат со парични казни.
„По денешното појавување пред судот постапката е одложена за да може правниот тим да го разгледа случајот. Хари се изјаснил дека не е виновен. Би било непримерно кога фудбалерот и клубот би го коментирале случајот додека е во тек правната постапка“, објави Манчестер Јунајтед.
„Ја нападнале неговата сестра и го провоцирале со „Ф.к Јунајтед“
> Мегваер пуштен да се брани од слобода <
