Килијан Мбапе донел одлука околу својата иднина. Младиот напаѓач, според медиумите во Франција, ќе остане во ПСЖ и наредната сезона, а дури потоа како слободен играч ќе го напушти клубот.
Килијан Мбапе, има договор со ПСЖ, до јуни 2022 година. Не е тајна дека Реал се заинтересирани за неговите услуги, исто како и Ливерпул и Манчестер јунајтед, но исто така не е тајна дека „кралскиот клуб“ е во финансиска криза.
Гледано од оваа перспектива, Реал немаат 150 милиони евра, колку што се претпоставува дека ПСЖ ќе бараат за својот напаѓач.
Мбапе има 22 години и пред него допрва доаѓаат најдобрите денови во кариерата. Поради тоа тој во консултација со родителите решил, да остане во Париз уште една година, а дури потоа да замине од „Паркот на Принцовите“, каде пристигна во 2018 година, во трансфер вреден 180 милиони евра.
> Мбапе ќе остане во ПСЖ, но нема да го продолжи договорот <
