Утрински Весник
Економија

Маркоска: Ребалансот обезбедува заштеда од 200 милиони евра и повиоски плати, пратениците да го поддржат

Пратеничката од редовите на СДСМ, Даниела Маркоска, ги повика нејзините колеги во Собранието да го поддржат ребалансот на Буџетот за оваа година со кој, како што рече, се обезбедува заштеда од 200 милиони евра и повиоски плати.

 

Маркоска пред новинарите посочи дека овој ребаланс е важен затоа што со него во време на најголема светска економска криза, се прават сериозни кратења во делот на расходите, а средствата се пренаменуваат за мерки за помош на граѓаните и компаниите.

„Заштедата од 200 милиони евра ќе се искористи за засилена заштита на животниот стандард на граѓаните, особено на ранливите категории, понатаму, за финансиска поддршка на ликвидноста на компаниите, но и за повеќе средства кон земјоделците со цел зголемено производство на храна. Преку навремени и ефикасни мерки, се справуваме со последиците од глобалната економска криза, покажавме дека и во време на најголема светска економска криза, платите и пензиите можат да растат, трошоците да се намалуваат и стандардот на граѓаните да биде заштитен“, рече Маркоска.

СДСМ очекува согласно роковите, ребалансот да се најде пред пратениците на матичната комисија, а потоа и на пленарна седница. Маркоска изрази очекување дека опозицијата наместо со блокади и кочења, ќе придонесе со аргументирана дебата и конструктивност при носењето на ребалансот.

Можете да прочитате

ММФ: Значително ќе забави светската економија

Одржана седница на Советот на Народната банка: Усвоен Годишниот извештај и Извештајот за ризиците во банкарскиот систем за 2024 година

Синдикалната кошница за април 2025 година изнесува 62.691 денари