Македонија Ѓорче Петров ремизира без голови против ЦСКА Софија на комплексот на ФФМ и тоа може да се процени како успех, со оглед дека тимот на Муарем Бајрами цело полувреме играше со фудбалер помалку. Во 45 минута „лавовите“ останаа со десетмина по исклучувањето на Матеус Ламос.
Фудбалерот на Македонија ЃП експресно доби два жолти картона и мораше да го напушти теренот. Сепак, и без него „лавовите“ успеаја да задржат реми без голови.
ЦСКА Софија еднаш се закани посериозно во првото полувреме, а во второто изгледни можности имаа Туфегџиќ и Крастев. Кај Македонија ЃП, Ермедин Адем имаше шанса што не ја искористи, а Мишевски од слободен удар шутира непрецизно.
Реваншот е за седум дена во Софија.
