Македонската јуниорска кошаркарска репрезентација загуби од Хрватска со 72:59 и не успеа да обезбеди опстанок во А-Дивизијата на ЕП во Измир. Тоа беше шести пораз за избраниците на селекторот Тони Симиќ на ова натпреварување.
Во последниот период, македонските кошаркари имаа негатива од 54:46, а потоа Хрватите постигнаа тројка и отидоа на двоцифрена предност од која немаше враќање назад.
Теодор Симиќ постигна 21 поен за нашата репрезентација, а по 14 имаа Бошалевски и Димитриевски.