Шпанската полиција ја истражува смртта на 39-годишен турист чиешто тело било пронајдено во скулптура на диносаурус во предградие на Барселона.
Како што јави Би-Би-Си, полицијата го пронашла телото на мажот откако граѓаните пријавиле дека смрдеа се шири од скулптурата.
Станува збор за човек чиешто исчезнување било пријавено, а според првичните информации нема индиции дека станува збор за убиство.
Полицијата верува дека мобилниот телефон на човекот паднал во скулптурата и дека тој се обидел да го извади. Потоа паднал, останал да виси наопаку и не можел да побара помош, по што починал. Скулптурата е отстранета од јавната површина, а ќе се изврши и обдукција за да се утврдат точните причини за смртта.
