Помалку изненадувачки, екипата на Валенсија е лидер на табелата (барем привремено) во Ла Лига по 4 одиграни кола. „Лилјаците“ со 10 бода се пред шампионот Атлетико Мадрид откако денеска во Памплона го надиграа тимот на Осасуна и го поразија убедливо со 4-1.
Иако домаќините беа тие кои го отворија резултатот со голот на Монкајола во 8 минута, сепак гостите брзо се созедоа, па Гомез во 26 минута резултатот повторно го врати на егал – 1:1.
Во второто полувреме гостите имаа повеќе од играта, а несреќниот автогол на домашниот играч Хернандес во 50 минута ги доведе во предност од 1-2.
Само 5 минути подоцна Гуедес погоди за 1-3, а точка на мечот стави Алдерете во 73 минута.
> „Лилјаците“ се искачија највисоко на табелата во Ла Лига <
