На Украина мора јасно да и се каже дека не ги исполнува условите за влез во ЕУ, изјави Марин Ле Пен, шефица на партијата на Националното собрание на Франција.
– Мислам дека на Киев мора јасно да му се каже дека не ги исполнува условите за да стане членка на ЕУ – рече Ле Пен.
Водачите на Франција, Германија и Италија денеска го посетија Киев за да разговараат за помошта за Украина и за шансите на земјата да се приклучи на ЕУ.
Европската комисија во петок ќе даде препорака за нејзината кандидатура за членство во блокот за Украина, Молдавија и Грузија.
Конечната одлука за доделување или отфрлање на кандидатскиот статус ќе ја донесат шефовите на држави и влади на ЕУ на самитот во Брисел на 23 и 24 јуни, имајќи ја предвид препораката на Европската комисија, потсетува РИА „Новости“.