Екипата на римски Лацио ги собра трите бода од вечерашниот меч против Наполи на „Олимпико“. Фудбалерите предводени од Симоне Инзаги со 2-0 ја совладаа четата на Џенаро Гатузо, а кај поразената екипа од 55 минута на теренот беше и македонскиот фудбалски репрезентативец, Елиф Елмас.
Иако гостинот од Неапол го имаше поседот на топката и зададе многу повеќе удари кон голот на Реина, сепак двата удари кон голот на Оспина завршија во неговата мрежа.
Капитенот на „небесносините“, Чиро Имобиле го отвори резултатот во 9 минута, а вториот гол беше дело на Луис Алберто во 56 минута.
По овој пораз, Наполи петтопласиран со 23 бода, додека Лацио се пробива на осмата позиција.
> Лацио го запре Наполи во Рим, Елмас играше едно полувреме <
