Лондон, 14 април 2020 (МИА) – Тренерот на Челси, Френк Лампард, зборуваше за тренинзите во изолационен режим среде пандемија на коронавирус.
– Ние секогаш сме во контакт, тоа е важно. Ова е направено не само од мене, туку и од тренери за фитнес, во тек е работа на сила и физичка подготвеност, а целиот персонал е во контакт. Имаме мали групи на играчи, а некои тренери редовно комуницираат со нив. Тие добиваат план за тековната недела, секогаш имаат контакт со тренери, кои организираат видео конференции за часови на велосипеди или за општа физичка обука, изјави Лампард.
Ова е многу тешко да се справи. Кога ќе ги замолите да трчаат еден час на ден, некој играч може да оди некаде каде што може да трча на отворено, да трча со топка, додека другите не можат. Вие мора сериозно да им верувате на играчите, додаде предводникот на „сините од Лондон“.
Тој верува дека неговите избраници подготвено ќе го дочекаат продолжението на сезоната.
– Кога и да продолжи сезоната играчите ќе бидат што е можно повеќе подготвени. Овие се вистински професионалци и треба да им верувате. Прекинот е единствената предност за повредените играчи. Влеговме во овој период со четири или пет играчи кои имаа прилично сериозни повреди. Ова им даде време за рехабилитација и посебна работа дома. Се надевам дека ова ќе нè освежи малку кога ќе се вратат, заклучи Лампард. зс/
