Куманово, 13 март 2020 (МИА) – Кумановската библиотека „Тане Георгиевски“ идната година засилено ќе почне со воведување на е-книги, најави на денешната седница на советот директорката на оваа установа, Христина Алексовска, одговарајќи на прашања од советниците од опозицијата.
Таа рече дека е од 2018 се спроведува дигитализацијата на поранешниот „наш Весник“ , а воведувањето на е-книгите се одвива поспоро во овој период, но дека во иднина ќе преземат засилени мерки.
Лани, библиотеката набавила нова информатичка и видео опрема за околу 140.000 денарим и ги зголемила бројот на вработени.
Советникот од ВМРО-ДПМНЕ праша дали имало потреба од зголемување на бројот на вработени од 11 на 18 лица. Алексовска одговори дека се вработени информатичар, сметководител, правник,помошници на библиотекари, но не и шалтерски работници и нагласи дека на детскиот оддел има недостиг на шалтерски работник.
Речиси 30.000 денари кумановската библиотека одвоила за печатење на книга, а зголемување на трошоци има и во ставката семинари, обуки кои за нововработените се задолжителни , информираше директорката на установата одговарајќи на советнички прашања при разгледување на извештајот и програмата за работа на јавната општинска установа. ам/ац/
