Украинскиот министер за надворешни работи Дмитро Кулеба денеска побара повеќе оружје и дополнителни санкции по најавата на Москва за проширување на офанзивата во Украина.
„Русите сакаат крв, а не преговори. Ги повикувам сите партнери да ги зајакнат санкциите против Русија и да ја забрзаат испораката на оружје за Украина“, напиша Кулеба на Твитер.
By confessing dreams to grab more Ukrainian land, Russian Foreign Minister proves that Russia rejects diplomacy and focuses on war and terror. Russians want blood, not talks. I call on all partners to step up sanctions pressure on Russia and speed up arms deliveries to Ukraine.
— Dmytro Kuleba (@DmytroKuleba) July 20, 2022
Тој реагираше на најавата на неговиот руски колега Сергеј Лавров дека Москва нема да се концентрира исклучиво на истокот на Украина и дека преговорите меѓу двете земји немаат смисла во сегашната ситуација, пренесуваат медиумите во регионот.
„Исповедите на рускиот министер за надворешни работи за неговиот сон да заземе дополнителна украинска територија докажува дека Русија ја отфрла дипломатијата и се концентрира на војна и терор“, рече украинскиот министер.