Кичево, 23 април 2020 (МИА) – Кризниот штаб на општина Кичево денеска изрази јавна благодарност до припадниците на Армијата на Република Северна Македонија.
-Акцијата за дезинфекција на објектите што ги посетуваат граѓаните продолжи и во текот на минатата недела и денеска. Откако ги дезинфициравме училиштата, градинките и градските улици, нашата работа продолжи вo верските објекти. Пред велигденските празници ги дезинфициравме црквите и манастирите, а сега пред почетокот на Светиот месец Рамазан нашата работа се фокусираше на џамиите во градот и селата со цел граѓаните да вршат верски активности во согласност со упатствата и заштитните мерки за Ковид-19, се вели во соопштението од Општина Кичево .
Информираат дека е направена и целосна дезинфекција на работните простори во општината.
Локалната самоуправа изразува посебна благодарност за припадниците на Армијата на РCM за кои како што нагласуваат, со посебна грижа се посветија на дезинфекцијата и одговорија позитивно на барањата на Општина Кичево.рз/са/
