Полициски службеници од СВР Скопје вчера ги лишиле од слобода А. Ј., С. Б. и С. Ј., сите од Скопје.
Како што информираат од МВР, по преземените мерки и активности, утврдено е дека тие на 9 март годинава во Скопје со запалива течност предизвикале пожар во патничко возило „ауди Q5“, од кој биле зафатени три други возила – „фолксваген пасат“, „нисан“ и „даеву матиз“.
До Основното јавно обвинителство Скопје против нив е поднесена кривична пријава поради сомнение за сторено кривично дело тешки дела против општата сигурност.